partagerTennam "d acu d tedsimant neγ timanit,
awalen-agi ur ten-nessin ?
Aql-aγ nugad tameddit
lebγi ad as-texreb tisin.
D tuffγa seg yir targit,
d usirem a d-terzu talwit,
tikti daya i tt-id-yewwin.
Teẓram azaglu diri-t
yes-s ur tettdum tmeddit,
ad nedder γas s tbexsisin.
Tamurt taqbaylit s unabaḍ
d tagduda ad as-nerr tili.
Amni adigan war leεyaḍ
ad yebded s tugdut d tlelli.
Tawuri, aγerbaz d lekkwaγeḍ,
ulac akk zzi neγ nneḍ,
aγrum s teqbaylit ara yili.
A tameṭṭut ffeγ ad tqedceḍ,
sanda d am-yehwa terreḍ,
azal-im dayen, ur iγelli !
D anabaḍ aqbayli a d-yesbedden
imsulṭa ara iεassen tagduda.
S teγdemt tadigant ad ddren
izerfan ara yekksen " maḥlal dadda".
Yal wa akken i d as-yehwa ad yamen,
akken i d as-yehwa ad yedden,
d ddin i d as-yehwan yedda.
Ilaq ad ẓren medden,
ula d nekkni d imdanen,
yessefk a d-nali swadda !!!
Iwakken a d-tuγal tririt γef westeqsi-agi usawen swayes yettnadi wemdan ad iẓer ma s timanit kan ara yezmer ad yekfu uzaglu γef weqbayli di tmurt-is neγ yella kra n ttawil-nniḍen d-yeqqimen, win ad aγ-d-yessufγen aḍγer-agi d aγ-iweqεen d lebda di taγect-nneγ si 62 d asawen neγ akessar, ma mačči seg wasmi d-necfa i yemma-s n ddunit alamma d ass-a, tiddukla “Tadukli Talmant-Taqbaylit” theggayaγ-d yiwet n tmeddit ideg d-tenced mass Ulrich Delius n tkebbanit ilmend iγerfan yettwarekḍen si Göttingen(Lalman) yakk d mass Ferḥat at Saεid (Mehenni) aselway umussu n timanit i tmurt n yeqbayliyen ass n 31.07.2009 γef 19:00 di tansa-yagi :
EineWeltHaus
Schwanthalerstraße 80
80336 München.
Deffir umeslay ad yili ccna. D inaẓuren n terbaεt n ccna " Agraw n tmara" ara yeṭṭfen tamsalt-a ger ifassen-nsen s tezlatin-nsen tiḥlawanin sut unamek meqqren. Widak d tidak ara izemren ad ilin di tmeddit am ta, ur ttuγalen ara s axxam s ifassen d ilmawen.
Ihi ar ass n 31.07 tameddit !
muqel