partager
Inig (voyage)
Si Lpari γer Budapest
Zzin yeççayaγ-d tallast
A yahnin ur ţdawi
Amzur awraγ yelhaq s-ammas
Ma d-nek tfaγ talemmast
Neţfaras ussan di temzi
Ni ameqful, ni tarirast
Abrwaq si begsan-t tullas
D lawan tura as nefsi
Si Budapest γer Bratislava
Abrid yenger dayen kan
Usan-ted akw nnuba, nnuba
Kra, même, bγir lawan
Tiwraγin, sut timmi nezza
Wah a gma taksan-t urfan
Ak accaran-t s tayri t-tadsa
Agujil as-gant imawlan
Aɛaryan as-rrant talaba
Anef iw-semmid ad isgem uglan
Si Bratislava γer Prague
Cmandifir yeftak tizgi
D-dunit-a ziγ d-zarrag
Yifit wi farsan tayri
Chez Marcel, qrib tanmarrag
Abbuh ziγ d aqvayli ayenni
Abrid wezzil, γer yidis n Talmanit
Tamacint tacba abehri
Γer Lyazid thagga tbaqit
Ay ad awniniγ, ad nancad Muh Terri
Ar γurneγ imensi t-tisit
Aqli-k deg umussu n timanit
Macci di l’amical amimmi
La gitane
A taqcict am tacrad
Ccama-m tugi at sfad
Ay-udem yasbaγ y-itij
Ixfim seg inig ifad
Agrud γer wabruɛ yackuntad
Yezga am times s-irrij
Seg assan uli-w yessad
S’rhume n rom yassawad
Smir kan allaγ yeţhij
La benediction
Asuref kan a lwaldin
L’angare yella anda nedda
Zhar am abzim yefsin
Inig, tujla tigujla
Tafka-ţ izuγar timdinin
Tarwiht tahmal aggwad ula-nda
Tedra-yi am tamgart yeγlin
Di lberrani is-gan azekka
Buxlifa Zahir