partager
- Lyazid Abid, Rahman Yahiaoui yak d Arezki Keddam uqbel n timillilit ara ad isnulfan Tidukla Talmant-Taqbaylit di Frankfurt-M (RFA) ass n 22.11.08
Nwan dγa d tidett ad ddren ddaw laanaya n Tugdut (démocratie) d yedles-nnsen am nutni am watma-nsen Izzayriyen-nniḍen yettmeslayen taerabt.
Asirem-nni, yedder kra n wussan, alarmi γ-d-yenna luhkum : ‘’Agdud azzayri d aarab, ulac ayen-nniḍen !’’. Imiren dγa iban-d udem aheqqani n wid yeṭṭfen akursi s uqezzul, aqezzul-nni yesedduyen timsal ara ass-a n wussan.
Tilelli, timuzγa, tidert n ser d lherma d wayen akk γef wacu nnuγen Leqbayel yettwattu. Asirem-nni wwin-t waman.
Dγa, yaf-d iman-is weqbayli rrif n tlufa n Tmurt. Tameslayt-is tettwakess seg temsal tunṣibin (officielles). Lbaṭel yewweḍ almima yura weqbayli tutlayt-is ad yekcem γer lhebs. Idles amaziγ yettwahaṛem seg yiles n weqbayli. Adabu (pouvoir) amesbaṭli yanna-k : “imaziγen ddren zik, ma d tura qlen d aeraben, d inselmen. Lezzayer d taerabt, d tineslemt. Win ur neqbil annect-a ur yelli seg-neγ !”
Leqbayel ikcem-iten lhir : Tura mi ssufγen arumi acku ẓran ur llin ara d irumiyen, adabu azzayri yiwta s wayen yezmer ad ten-yer d aeraben…
Zdat lmenker yecban wa, aqbayli yenna-d : Awah !! atmaten-nneγ yetmeslayen taerabt uγ-d-fihimn ara. Asmi ara sen-nessefhem d acu-yaγ, ass-nni ad aγ-d-fken afus akken ad nesbed tugdut d talwit di tmurt n Lezzayer.
Ilmend n waya i krent tudrin n tmurt n leqbayel deg 63 (FFS), 1980 (Tafsut imaziγen), 1989 (RCD) almi d 2001 (Tafsut taberkant). Mmuten yelmeẓyen, kecmen lehbus ur yessaweḍ imenγi lebγi-nneγ. Ass-a mazal ulac ayen yessefṛahen.
Win ur nessin ara amek-it weqbayli ad as-yini : ‘’Leqbayel ugaden ad nnaγen, ad sutren tugdut d yedles i yiman-nnsen’’ Lukan d lebγi, akken nessufeγ arumi almi tuγ aẓar taerabt, ilaq aeraben ad aγ-eiwnen akken idles aqbayli ad yeseu amkan-is. Dacu kan, maççi akka i teḍra. Tamurt n leqbayel tettwahqer izzayriyen netten sussmen. Ass-a, aken ma nella neẓra, iberdan iγelnawen (nationalistes) ur γ-suffγen ara γer lebγi-nneγ. Akken s-yenna Lwennas, ‘’ Ulayγer nurǧa asirem, a nsenned f sbeṛ…’’
Tidett, ma nebγa a nneder, yusa-d lawan anda ilaq ad nemeslay geraneγ, ad nennaγ f yiman-nneγ...
D wa i d abrid ma nebγa ad nedder s yidles-nneγ, s tutlayt-nneγ di Tmurt-nneγ
Γef waya I d-snulfan warrac Iqbayliyen di Lalman ak di Almaniyen/Talmaniyin ´tidukla talmant-taqvaylit´.
Win yebγan ad d-yekk afus, anṣuf-yes.
Lyazid Abid